Россия миллий жамоаси ва Лондоннинг «Арсенал» клуби собиқ футболчиси Андрей Аршавин Англия премер-лигасида ёки Чемпионлар Лигасида зафар қучиш қийинроқми, деган саволга ўз фикрини билдирди.
«АПЛни ютиш қийинроқми ёки Чемпионлар Лигасида зафар қучишми? Мен учун… Мен на у мусобақада, на бунисида ғолиб бўлганман. Шунинг учун имкониятларни бир хил деган бўлардим», - деди собиқ ҳужумчи интервюда.
Эслатиб ўтамиз, россиялик собиқ форвард 2009 — 2013 йилларда Лондон жамоаси шарафини ҳимоя қилган. Андрей Аршавиннинг фаолиятидаги энг ёрқин лаҳзалардан бири «Арсенал»нинг «Ливерпул»га қарши ўйинидаги покер ҳисобланади.
