GiveMeSport портали журналистлари 2027 йилги «Олтин тўп» совринини қўлга киритиш учун асосий даъвогарлар рейтингини эълон қилди. Рўйхатнинг биринчи поғонасидан «Барселона» вингери Ламин Ямал жой олди.
Ямал ушбу йилги овоз беришда учинчи ўринни эгаллаган, ундан олдинги йилда эса иккинчи бўлганди. Нашр тузган янги рейтингда «Реал» ҳужумчиси Килиан Мбаппе иккинчи, «Бавария» вингери Майкл Олисе учинчи ўринга қўйилди.
Кучли ўнталикдан Жуд Беллингҳэм, Ҳарри Кейн, Эрлинг Ҳоланд, Деклан Райс, Рафиня, Усмон Дембеле ва Дезире Дуе ҳам жой олган. Яқинда «Олтин тўп»ни қўлга киритган Кейн ушбу рўйхатда бешинчи поғонадан ўрин олди.
Рейтинг жами 20 нафар футболчини қамраб олган. Унда Лионел Месси ва Криштиану Роналду номлари йўқ.
Маълумот учун, 2026 йилги «Олтин тўп» соврини «Бавария» ва Англия миллий жамоаси ҳужумчиси Ҳарри Кейнга насиб этган.
