Ҳарри Кейн — «Олтин тўп-2026» соҳиби

Англия пойтахти Лондондаги «Palladium» театрида «Олтин тўп-2026» маросими бўлиб ўтди.

Асосий соврин — мавсумнинг энг яхши футболчисига аталган «Олтин тўп»ни «Бавария» клуби ва Англия миллий жамоаси ҳужумчиси Ҳарри Кейн қўлга киритди.

33 ёшли футболчи ўтган мавсумда мюнхенликлар билан Бундеслига, Германия кубоги ва суперкубогида зафар қучди. Англия миллий жамоаси билан эса Жаҳон чемпионатида бронза медалларига сазовор бўлди. Шунингдек, Ҳарри 73 та гол билан мавсумнинг энг яхши тўпурарига айланди.

Кейн 25 йиллик танаффусдан сўнг «Олтин тўп»ни ютган илк инглизга айланди. Охирги бор англияликлардан Майкб Оуэн 2001 йили бу совринга эришганди.

«Бавария» ҳужумчиси соврин учун курашда Килиан Мбаппе, Ламин Ямал, Родри ва Лионел Месси каби юлдузларни ортда қолдирди.

Топ-10 қуйидагича:
1. Ҳарри Кейн («Бавария», Англия)
2. Килиан Мбаппе («Реал», Франция)
3. Ламин Ямал («Барселона», Испания)
4. Родри («Барселона», Испания)
5. Лионел Месси («Интер Майами», Аргентина)
6. Хвича Кварацхелия («ПСЖ», Грузия)
7. Усмон Дембеле («ПСЖ», Франция)
8. Эрлинг Ҳоланд («Манчестер Сити», Норвегия)
9. Майкл Олисе («Бавария», Франция)
10. Фабиан Руис («ПСЖ», Испания)

Аёллар ўртасида эса «Олтин тўп» Испания миллий жамоаси яримҳимоячиси Алексиа Путелласга насиб этди. У учинчи бор тенгсиз футболчига айланди.