Элит ОЧЛ. «Ал Айн» «Трактор»ни мағлуб этди, «Ал Аҳли»да ҳам ғалаба, «Ал Қодисия»да дуранг

ОФК Элит Осиё Чемпионлар лигасида 3-тур баҳслари бўлиб ўтмоқда.

Ғарб минтақасида «Ал Айн» (9, 1-ўрин) ўз уйида «Трактор»дан (1, 13-ўрин) устун келиб, қаторасига учинчи ғалабасига эришди ва пешқадамлилигини мустаҳкамлади. Эрон клуби сафида Ўзбекистон миллий жамоаси яримҳимоячиси Одил Ҳамробеков беллашувни ўтказиб юборди.

Амалдаги чемпион «Ал Аҳли» (7, 2-ўрин) Қатарнинг «Ал Ғарафа»сидан (0, 15-ўрин) устун келди, «Ал Қодисия» (5, 6-ўрин) эса «Ас Садд» (1, 14-ўрин) билан ўйинда мағлубиятдан қутулиб қолди.

Элит ОЧЛ. 3-тур. 26 октябр
Ал Айн — Трактор 2:1
Голлар: Рабиа (21), Раҳими (70) — Халилович (55).

Ал Аҳли — Ал Ғарафа 2:1
Голлар: Тоуни (4), Гонсалвеш (86) — Коман (53).
Четлатиш: Сано (76, Ал Ғарафа).

Ал Қодисия — Ас Садд 1:1
Голлар: Кинионес (84) — Афиф (74).