«Барселона» президенти Жоан Лапорта жамоа бош мураббийи Ҳанс-Дитер Фликнинг фаолиятига баҳо берди. Клуб раҳбарининг фикрича, германиялик мутахассис каталонияликлар жамоаси учун айни пайтдаги идеал мураббий ҳисобланади.
«Ҳанс-Дитер жамоамиз учун идеал мураббий. У бизнинг услубимизни тушунади. Фликни фалсафаси сабабли танлаганмиз. У жамоаларида йўлга қўядиган вертикал футбол бизга ёқади.
Флик ўйинни учта асосий тамойилга қуради: прессинг, тўпга эгалик қилиш ва позицияни тўғри танлаш», — дея Лапортанинг сўзларини келтиради Маrcа нашри.
Лапортанинг фикрича, Фликнинг футболга бўлган ёндашуви «Барселона»нинг ўйин фалсафасига мос келади. Мураббий жамоада тўпни назорат қилиш билан бирга, ҳужумларни тез ва вертикал йўналишда ташкил этишга урғу беради.
Маълумот учун, Ҳанс-Дитер Флик 2024 йил июльидан буён «Барселона» бош мураббийи сифатида ишлаб келмоқда.
Эслатиб ўтамиз, германиялик мутахассиснинг каталонияликлар билан амалдаги шартномаси 2028 йил июн ойи охиригача мўлжалланган.
Telegram’да биринчи бўлиб фикр билдиринг
Муҳокамага ўтишИзоҳлар Telegram’да очилади