Англия миллий жамоаси ва «Тоттенҳэм» клуби собиқ яримҳимоячиси Деле Алли форвард Ҳарри Кейн «Олтин тўп» совринини қўлга киритганига муносабат билдирди.
«Бу совринга унданда муносиброқ ҳеч ким йўқ. Йиғлаб юборишимга сал қолди. Бу йигит қанчалик қаттиқ меҳнат қилишини тасаввур қиляпсизми? Бунга у барчадан кўра кўпроқ муносиб. Ким нима гапираётгани билан эса умуман ишим йўқ», - дея Алли сўзларидан иқтибос келтиради Bayern & Germany.
Эслатиб ўтамиз, 26 октябр куни англиялик ҳужумчи фаолиятида биринчи марта «Олтин тўп»ни қўлга киритди.
Таъкидлаб ўтамиз, Алли ва Кейн узоқ вақт Лондоннинг «Тоттенҳэм» клуби сафиди бирга тўп тепган. Кейн 2023 йил Мюнхен клуби сафига кўчиб ўтган.
