«Челси» бош мураббийи Хаби Алонсо жамоа яримҳимоячиси Коул Палмернинг келажаги ҳақида фикр билдирди.
«Палмер жамоада қоладими? Албатта! У доим бизнинг режаларимизда бўлган. Коулнинг бу ерда бўлмаслиги ҳақида ҳеч қандай гап-сўз бўлмаган», — дея мутахассиснинг сўзларини келтиради журналист Фабрицио Романо ижтимоий тармоқлардаги саҳифасида.
Қайд этиш лозим, 24 ёшли яримҳимоячи 2023 йилдан буён лондонликлар шарафини ҳимоя қилиб келмоқда. Томонлар ўртасидаги амалдаги шартнома 2034 йил июн ойининг охирига қадар мўлжалланган. Transfermarkt портали маълумотларига кўра, Палмернинг трансфер қиймати 110 миллион еврони ташкил этади.
Маълумот ўрнида, Коул ушбу мавсум клуб сафидаги барча мусобақалар доирасида 10 та учрашувда майдонга тушиб, ўз ҳисобига 4 та гол ва 3 та ассист ёздириб қўйди.
Аввалроқ «Челси» Палмер билан шартномани 2034 йилгача узайтиргани маълум қилинганди.
