«Real» yarimhimoyachisi Jud Bellinghem klubida oktabr oyining eng yaxshi futbolchisi deb topildi. Bu haqda «qaymoqranglilar» matbuot xizmati ijtimoiy tarmoqlardagi X sahifasida xabar berdi.
O‘tgan oyda 23 yoshli futbolchi barcha musobaqalar doirasida 5 ta uchrashuvda ishtirok etib, 1 ta golli uzatmani amalga oshirdi.
Angliyalik futbolchi 2023-yil yozidan buyon «Real» safida o‘ynab kelmoqda. U shu vaqt ichida barcha musobaqalarda 156 ta o‘yin o‘tkazib, 51 ta gol urdi va 37 ta golga assistentlik qildi.
Futbolchining Madrid klubi bilan amaldagi shartnomasi 2029-yil yozigacha mo‘ljallangan.
Transfermarkt portali ma’lumotlariga ko‘ra, Judning qiymati 160 million yevroni tashkil etadi.
