«Real» yarimhimoyachisi Jud Bellinghem jamoada katta obro‘ga ega. The Touchline sahifasi jurnalist Xorxe Pikonga tayanib xabar berishicha, ingliz futbolchisi Madrid klubining bo‘lajak sardori sifatida ko‘rilmoqda.
Manbaga ko‘ra, Bellinghemning yetakchilik qobiliyatlari murabbiylar shtabi va klub vakillarida katta taassurot qoldirgan. Shuningdek, u jamoa murabbiylari bilan tez-tez muloqot qilib, taktik masalalarni muhokama qiladi.
23 yoshli yarimhimoyachi ushbu mavsumda La Liga doirasida 12 ta bahsda maydonga tushib, 4 ta gol urdi va 3 ta golli uzatmani amalga oshirdi.
Eslatib o‘tamiz, Bellinghemning «Real» bilan amaldagi shartnomasi 2029 yil yozigacha mo‘ljallangan.
Ma’lumot uchun, Transfermarkt portali angliyalik futbolchining bozor qiymatini 160 million yevroga baholamoqda.
Muxlislar bu yangilikni Telegram’da muhokama qilmoqda
Izohlar Telegram’da ochiladi