«Bornmut» yarimhimoyachisi Aleks Skott «Chelsi»ning qishki transfer oynasidagi ustuvor maqsadiga aylandi. Bu haqda insayder Ekrem Konur xabar bermoqda.
Manbaga ko‘ra, londonliklar bosh murabbiyi Xabi Alonso jamoaning o‘rta chizig‘ini kuchaytirmoqchi. «Chelsi» argentinalik Enso Fernandesning ketishidan keyin hamon yarimhimoyadagi muvozanatni tiklashga urinmoqda.
23 yoshli Skott 2023 yil avgustidan buyon «Bornmut» sharafini himoya qilib kelmoqda. Uning klub bilan amaldagi shartnomasi 2028 yil iyun oyi oxirigacha mo‘ljallangan. Futbolchining transfer qiymati 70 million yevroga baholanmoqda.
Eslatib o‘tamiz, Skott ushbu mavsumda Angliya Premyer-ligasida 5 ta bahsda maydonga tushib, bitta gol urdi.