«Liverpul» «Monza» klubi hujumchisi Gushtavu Vareloga qiziqish bildirmoqda.
Ayni paytda 21 yoshli futbolchi 2026/2027 yilgi mavsumda A Seriyaning eng yaxshi to‘purari hisoblanadi. Mersisaydliklar uning ishtirokidagi o‘yinlarni kuzatish uchun har hafta skautlarini yuborishmoqda. Bu haqda Corriere dello Sport nashri xabar berdi.
Manbaga ko‘ra, «Tottenhem», «Brentford» va «Sanderlend» klublari ham portugaliyalik futbolchi haqida ma’lumot so‘ragan. Shuningdek, «Benfika» hujumchining kelgusidagi transferidan tushadigan mablag‘ning 20 foiziga egalik qiladi.
Varela bu mavsumda A Seriyaning 10 ta bahsida 9 ta gol va 1 ta assistni o‘z hisobiga yozdirib qo‘ydi.
Futbolchining «Monza» bilan amaldagi shartnomasi 2030 yilning yozigacha mo‘ljallangan.
Transfermarkt portali ma’lumotlariga ko‘ra, Varelaning qiymati 5 million yevroni tashkil etadi.
«Liverpul» A Seriya to‘purari bilan qiziqmoqda
Futbol
19 noyabr, 14:14
Portugaliyalik futbolchi APLning ko‘plab klublari e’tiborida.
Foto: Getty Images