«Manchester Yunayted»ning sobiq himoyachisi Eshli Yang mankunianliklarga Bruno Fernandesning o‘rniga «Nottinghem Forest» yarim himoyachisi Morgan Gibbs-Uaytni sotib olishni taklif qildi.
«Bruno klub uchun nihoyatda katta ahamiyatga ega. U — jamoaning eng yaxshi futbolchisi. Ammo so‘nggi paytlarda uning yangi shartnoma imzolashdan bosh tortgani haqida ko‘plab xabarlar paydo bo‘ldi.
Bunday futbolchi atrofida jamoa qurishni istaysan. Ammo kelasi yili u 33 yoshga to‘ladi. Bilaman, yosh — shunchaki raqam, lekin hozir u faoliyatining eng yuqori cho‘qqisida emas. U o‘z cho‘qqisidan o‘tdi demoqchi emasman, ammo yoshi o‘tib bormoqda.
Men Morgan Gibbs-Uaytni sotib olgan bo‘lardim. Shunchaki uning nomini aytyapman, ammo uni «o‘ninchi raqam» pozitsiyasiga taklif qilgan bo‘lardim. Jamoani aynan uning atrofida qurishni istardim», — deya Yangning so‘zlarini keltiradi The Sun.

Muxlislar bu yangilikni Telegram’da muhokama qilmoqda
Izohlar Telegram’da ochiladi