«Bavariya» prezidenti Herbert Hayner jamoa vingeri Maykl Olisega «Real» qiziqayotganiga munosabat bildirdi.
Avvalroq Madrid klubi prezidenti lavozimiga nomzod Florentino Peres fransiyalik futbolchi uchun myunxenliklarga 150 million yevro miqdorida taklif yuborishi haqida xabarlar tarqalgandi.
«Maykl Olise — «Bavariya» futbolchisi va uning klub bilan uzoq muddatli shartnomasi bor. Biz futbolchilarini sotishni maqsad qilgan klub emasmiz.
Agar Florentino Peres bizga taklif yubormoqchi bo‘lsa — hozircha bunday holat bo‘lgani yo‘q, — u bunga ovora bo‘lmasa ham bo‘ladi», — deya Haynerning so‘zlarini keltiradi Bayern Germany.
