Oʻzbekiston Niderlandiyaga qarshi koʻk libosda oʻynaydi

8 iyun kuni Oʻzbekiston milliy jamoasi Niderlandiyaga qarshi oʻrtoqlik oʻyinida maydonga tushadi.

OʻFA matbuot xizmati yozishicha, 7 iyun kuni ushbu bahs oldidan jamoalar rasmiylari ishtirokida uchrashuv boʻlib oʻtdi. Unda oʻyinga oid bir qator masalalar yuzasidan tushuntirish va eslatmalar berib oʻtildi.

Boʻlajak oʻyinda oʻzbekistonlik futbolchilar toʻliq koʻk libosda, darvozabon esa yashil libosda harakat qilishi ma'lum boʻldi.

Eslatib oʻtamiz, Niderlandiya — Oʻzbekiston oʻyini bugun, 8 iyun kuni Toshkent vaqti bilan soat 23:45 da start oladi.