"Barselona" markaziy himoyani kuchaytirish uchun 3 futbolchiga qiziqmoqda

"Barselona" ayni paytda uch nafar markaziy himoyachiga qiziqish bildirmoqda. Kataloniyaliklar asosan chap oyoqli futbolchilarni kuzatib boryapti. Bu haqda Sport.es xabar berdi.

Manbaga ko'ra, "ko'k-anorranglilar" qiziqish bildirayotgan eng mashhur futbolchi — Bilbaoning "Atletik" klubi himoyachisi Emerik Laport. U 2026 yildagi Jahon chempionatida Pau Kubarsi bilan birga Ispaniyaning markaziy himoyasida harakat qilgan.

Shuningdek, Kataloniya klubi "Leyptsig" himoyachisi Kastello Lukebani ham kuzatmoqda. Uning shartnomasida 80 million yevro miqdorida tovon puli ko'rsatilgan, ammo "buqalar" 23 yoshli futbolchini bundan arzonroq narxga sotishi mumkin.

"Barselona"ga "Betis" himoyachisi Natan ham qiziq. Uning shartnomasidagi tovon puli ham 80 million yevroni tashkil etadi, biroq klub futbolchini arzonroq narxga qo'yib yuborishga tayyor. Avvalroq futbolchining agenti "ko'k-anorranglilar" tomonidan qiziqish borligini ma'lum qilgandi.