«Real» yarimhimoyachisi Jud Bellinghem ta’tildan qaytib, jamoa bilan mashg‘ulotlarni boshladi. Angliyalik futbolchi bosh murabbiy Joze Mourinyo qo‘l ostida ishlashdan xursand ekanini bildirdi.
«Men uchun Mourinyo kabi murabbiy bilan ishlash — orzu. Uning qanday murabbiy ekanini bilishdan juda xursandman. Bu mavsum haqida yaxshi taassurotga egaman — Mourinyo va yangi transferlar bilan. Ko‘ramiz», — deya Bellinghemning so‘zlarini Madrid Xtra keltirdi.
«Real»da o‘ynash — katta sharaf va imtiyoz. Umid qilamanki, bu yerda ko‘p yillar davomida to‘p tepaman», — dedi angliyalik futbolchi.
Eslatib o‘tamiz, «Real» 2026/27 yilgi mavsumdagi ilk bahsini 22 avgust kuni safarda «Espanyol»ga qarshi o‘tkazadi.
