«PSJ» bosh murabbiyi Luis Enrike «Barselona» hujumchisi Ferran Torres uchun reja tuzib bo‘lgan. Ispaniyaning Sport nashri xabariga ko‘ra, parijliklar va kataloniyaliklar futbolchining transferi bo‘yicha kelishuvga juda yaqin.
Manbaga ko‘ra, Enrike jahon chempionatidan keyingi ta’tilini o‘tkazayotgan Torresni darhol maydonga tushirmoqchi emas. Hujumchi Fransiya Superkubogini o‘tkazib yuboradi va ilk bor 23 avgust kuni Liga 1 doirasida «Renn»ga qarshi bahsda maydonga tushishi rejalashtirilmoqda.
Luis Enrike Torresning universalligini yuqori baholaydi. Ispaniyalik futbolchi hujum chizig‘ining markazida ham, qanotlarda ham o‘ynay oladi.
Eslatib o‘tamiz, Torres «Barselona»ga 2022 yilda «Manchester Siti»dan ko‘chib o‘tgandi.
