Ispaniya milliy jamoasi yarimhimoyachisi Aleks Baena JCH-2026 1/16 finalida Avstriyaga qarshi bo‘lib o‘tadigan uchrashuv oldidan jamoaning tayyorgarligiga baho berdi.
«O‘z kuchimizga bo‘lgan ishonch turnir boshidagidek yuqori. Bizda har qanday raqibni mag‘lub eta oladigan jamoa bor. Bunga barchamiz ishonamiz. Axir biz amaldagi Yevropa chempionimiz va har bir raqib bizni mag‘lub etishni istaydi.
Endi raqiblar bizni ancha yaxshi o‘rganishgan. Ular bizga qarshi alohida tayyorgarlik ko‘rishadi va qanday himoyalanishni bilishadi. Shu sababli har bir o‘yin biz uchun alohida sinovga aylanmoqda.
Shunga qaramay, yaxshi o‘yin ko‘rsatyapmiz va asta-sekin jamoamizning o‘ziga xos uslubi — yengillik va o‘zaro uyg‘unlikni qaytaryapmiz», — dedi Baena.
Eslatib o‘tamiz, Ispaniya JCH-2026 guruh bosqichini H guruhida birinchi o‘rinda yakunlagan. Avstriya esa J guruhida ikkinchi o‘rinni egallab, pley-off yo‘llanmasini qo‘lga kiritgan.
Ma'lumot uchun, Ispaniya — Avstriya o‘rtasidagi 1/16 final uchrashuvi 2 iyul kuni bo‘lib o‘tadi.
