«Барселона» вингери Ламин Ямал жароҳат сабабли мавсумнинг қолган қисмида майдонга туша олмаслиги маълум бўлганидан сўнг, ижтимоий тармоқдаги саҳифаси орқали мухлисларга мурожаат қилди.
«Ушбу жароҳат мени майдондан ташқарида қолдиради, айнан мен майдонда бўлишни истаган бир пайтда. Ҳолатимни тушунтириб бериш имконсиз, чунки мен жамоадошларим билан кураша олмайман, улар менга муҳтож бўлган бир пайтда жамоамга ёрдам бера олмайман. Аммо мен уларга ишонаман ва ҳар бир ўйинда бор кучини сарфлашларини биламан.
Гарчи майдонда бўлмасам ҳам жамоа билан биргаман. Уларга ёрдам бераман ва улар билан қувонаман. Бу якун эмас, фақатгина танаффус. Мен кучлироқ бўлиб қайтаман, ҳар қачонгидан ҳам катта иштиёқ билан ва кейинги мавсум янада яхши бўлади. Қўллаб-қувватлаб турганингиз учун раҳмат», — деб ёзди Ямал.
Вингер Испания чемпионатининг 33-турида «Селта»га қарши ўйиннинг биринчи бўлимида (1:0) пеналтидан гол ураётган палласида жароҳат олди.
Аввалроқ, жамоа устози Флик ҳам Ямалнинг жароҳатига муносабат билдирди.
