Испания миллий жамоаси вингери Ламин Ямал 2026 йилги жаҳон чемпионати яримфинал босқичи доирасида Францияга қарши бўладиган учрашув ҳақида гапириб ўтди.
Кеча, 13 июл санасида туғилган кунини нишонлаган «Барселона» футболчиси ўйин олдидан ўтказилган матбуот анжуманида журналистлар саволларига жавоб берди.
«Шубҳасиз, бу менинг фаолиятимдаги энг муҳим ўйин. Биз ҳеч қандай қўрқувни ҳис қилмаяпмиз. Испания — амалдаги Европа чемпиони. Шундай экан, биз ҳеч кимдан қўрқмаймиз», — деди 19 ёшли Ямал.
Маълумот ўрнида, 14 июлдан 15 июлга ўтар кечаси Франция ва Испания мундиалнинг биринчи финалчиси бўлиш учун куч синашади. Учрашув Тошкент вақти билан соат 00:00 да бошланади.
Аввалроқ Ламин ушбу баҳсдан агар кимдир қўрқиши керак бўлса, бу Франция бўлиши лозим эканини айтиб ўтганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади