49 ёшли бокс бўйича 5 та вазн тоифаси собиқ чемпиони, америкалик Флойд Мейвезер Португалия миллий жамоасининг 41 ёшли форварди Криштиану Роналду ҳақида ҳурмат билан фикр билдириб ўтди.
Маълумот учун, Португалия миллий жамоаси ЖЧ-2026 1/8 финали доирасида Испанияга имкониятни бой бериб (0:1), мусобақани тарк этганди.
«Менинг укам, сени ажойиб фаолиятинг ва эришган ютуқларинг билан табриклайман. Футбол учун сен амалга оширган ишлар ҳеч қачон унутилмайди. Сен бутун дунё бўйлаб миллионлаб инсонларга умид бердинг ва спортнинг бу турини ўзгартириб юбординг. Кўп йиллар давомидаги меҳнатинг, интизоминг, барқарорлигинг ва буюклигинг — афсоналар мана шундай дунёга келади. Бу спорт турига берган ҳамма нарсанг учун чексиз ҳурматимни билдираман. Олдинда сени кутаётган барча-барчасида улкан муваффақиятлар тилайман. Шундай буюк бўлиб қол, чемпион. Сен ўз номинг билан боғлиқ ҳар бир ҳурматли сўзга лойиқсан. Доим муҳаббат ва ҳурмат билан, Флойд», — деб ёзди Мейвезер ўзининг ижтимоий тармоқдаги саҳифасида.
