«Реал» клубининг собиқ футболчиси Клод Макелеле «Бавария» вингери Майкл Олисенинг эҳтимолий трансфери ҳақида гапирди.
«Шубҳасиз, мен бундай трансферни қўллаб-қувватлайман. Мен президент Флорентино Перес билан гаплашиш имкониятига эга бўлганимда, унга очиқ айтдим: «Агар клубда йирик трансфер учун пул бўлса — бу Олисе бўлиши керак». Олисе гўёки болалигимизда ҳис қилган футбол туйғусини, ўйин таъмини қайтараётгандек: унда иқтидор ҳам, эркинлик ҳам, маҳорат ҳам ва самарадорлик ҳам мужассам бўлган. У майдонда бўлмаганида жамоа ўз кучининг маълум қисмини йўқотади — унинг йўқлиги сезилиб қолмоқда.
Олисе формадалигида у исталган паллада, худди Лионел Месси сингари, майдонда қандайдир кутилмаган ҳаракат амалга ошира олишига ишонч бор. Усмон Дембеле, Килиан Мбаппе, Брэдли Барколага қаранг — улар жуда яхши биладики: Майкл тўпни рақиб буткул кутмаган зоналарга ҳам етказиб бера олади. Биз севган замонавий футбол мана шу аслида. Шарҳловчилар унинг техникаси туфайли қойил қолишдан тўхташмаяпти. Майкл — бошқаларга ўхшамайдиган футболчи», — дея Макелеле сўзларини келтирди Marca.
