Винисиус «Арсенал»га ўтса, клубда энг кўп маош олувчи футболчига айланишни хоҳлайди

Винисиус Жуниор «Арсенал»га ўтса, жамоанинг энг кўп маош олувчи футболчисига айланиши мумкин.

The Times хабарига кўра, агар бразилиялик вингер «Реал»дан «тўпчилар» сафига ўтса, Лондон клуби унга жамоадаги энг юқори маошни таклиф қилишига тўғри келади.

Манбага кўра, «Арсенал» ҳақиқатдан ҳам 26 ёшли футболчини трансфер қилиш имкониятини кўриб чиқмоқда. Бунга Винининг «Реал» билан шартномани узайтириш бўйича музокараларида келишмовчиликлар юзага келгани сабаб бўлган.

Ҳозирда АПЛ чемпионининг энг кўп маош олувчи футболчиси Букайо Сака ҳисобланади. Унинг йиллик маоши солиқлар билан бирга тахминан 15,6 миллион фунт стерлингни (18,2 миллион евро) ташкил этади.

Винисиуснинг «Реал»даги йиллик маоши эса солиқлардан ташқари тахминан 14,9 миллион еврога тенг. «Қироллик клуби» унга йилига 20 миллион евродан ортиқ маош таклиф қилмоқда, аммо футболчининг талаби тахминан 30 миллион евро атрофида.