Англия миллий жамоаси бош мураббийи Томас Тухел Испанияга қарши Миллатлар Лигаси доирасидаги учрашув олдидан жамоа тайёргарлиги ҳақида гапирди.
«Бу жаҳон футболидаги энг жиддий синовлардан бири. Испания енгилмасдек кўринмоқда. Уларда ажойиб серия, ўзига хос ўйин услуби ва ғолиблик руҳияти бор. Улар Европа ва жаҳон чемпионатларида ғолиб бўлишди.
Биз уларнинг сериясига барҳам бериб, ғалаба қозонишни истаймиз. Биз ҳам тайёрмиз. Ўз имкониятларимиз чегарасини синаш учун айни вақт.
«Уэмбли»даги биринчи баҳсда ғалабага жуда яқин келгандик. Эртага ҳам мақсадимиз — рақибни мағлуб этиш», — деди Тухел.
Эслатиб ўтамиз, 26 сентябрда Испания Англияни 3:2 ҳисобида мағлуб этган. Жамоаларнинг навбатдаги учрашуви Мадриддаги «Метрополитано» стадионида ўтказилади. Баҳс Тошкент вақти билан 16 ноябрга ўтар кечаси соат 00:45 да бошланади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади