Бугун
47
Ўзбек

Ҳойлунд Португалияга қарши дублини Роналду услубида нишонлаганини изоҳлади

Футбол
15 ноябр, 10:00
Даниялик ҳужумчи ижтимоий тармоқдаги постида португалиялик футболчига ишора қилди.
Ҳойлунд Португалияга қарши дублини Роналду услубида нишонлаганини изоҳлади
Foto: Getty Images
14.11.2026 FT УЭФА Миллатлар лигаси. А лига Португалия Португалия 1 : 4 Дания Дания

Дания миллий жамоаси ҳужумчиси Расмус Ҳойлунд Миллатлар лигаси доирасида Португалия устидан қозонилган 4:1 ҳисобидаги ғалабадан сўнг Криштиану Роналдуга бағишланган пост эълон қилди.

«Наполи» клуби ҳужумчиси ушбу баҳсда дубл қайд этди. Голлардан бирини нишонлашда эса Роналдунинг машҳур ҳаракатини такрорлади. Беллашувдан сўнг Ҳойлунд Instagram саҳифасида ўйиндан олинган суратини жойлаштириб, унга қуйидаги изоҳни ёзди:

«Менимча, бу ерга мос келадиган ягона изоҳ — Сиууу!»

Маълумот учун, Португалия ва Дания ўртасидаги баҳс Брагада бўлиб ўтди. Бу португалияликлар учун Роналдунинг миллий жамоадаги фаолиятини якунлаганидан кейинги илк ўйин бўлди. Беллашув бошланишидан олдин Португалия футболчилари собиқ сардор шарафига 7-рақам туширилган футболкаларда майдонга чиқди.

Эслатиб ўтамиз, Ҳойлунд аввал ҳам Португалияга қарши баҳсда гол урганидан кейин Роналдунинг услубида нишонлаган. Даниялик ҳужумчи Криштиануни ўз кумири деб билишини ва бу ҳаракати билан рақибга нисбатан ҳурматсизлик қилишни истамаганини айтганди.

Тегишли жамоалар ва лигалар

  • Португалия Португалия
  • Дания Дания
  • УЭФА Миллатлар лигаси. А лига УЭФА Миллатлар лигаси. А лига
Бугунги янгиликлар