Бугун
47
Ўзбек

Фернандеш: «Даниядан учралган мағлубият бизга сабоқ бўлиши керак»

Футбол
15 ноябр, 01:30
    14
Португалиялик яримҳимоячи Даниядан учралган йирик ҳисобдаги мағлубиятга изоҳ берди.
Фернандеш: «Даниядан учралган мағлубият бизга сабоқ бўлиши керак»
Фото: Getty Images
14.11.2026 FT УЭФА Миллатлар лигаси. А лига Португалия Португалия 1 : 4 Дания Дания

«Манчестер Юнайтед» ва Португалия миллий жамоаси яримҳимоячиси Бруну Фернандеш Миллатлар Лигаси доирасида Даниядан учралган 1:4 ҳисобидаги мағлубиятга изоҳ берди.

«Унутиш керак бўлган ўйинлар бўлмайди. Бу баҳс бизга кўп нарсани ўргатиши ва хатоларимизни кўрсатиши лозим.

Биз истаганимиздек ўйинга кириша олмадик. Одатда марказ орқали жуда яхши ҳужум қиламиз, аммо Дания шу ҳудудни буткул ёпди. Шу сабаб вазият яратиш янада қийинлашди.

Кўпроқ қанотлардан фойдаландик, рақибни яккама-якка алдаб ўтишга ва тўпни жарима майдонига узатишга уриндик. Данияликлар бу борада кучли эканини билардик. Улар деярли барча имкониятларидан гол уришди.

Аввалги ўйинларимиз ҳам мукаммал эмас эди. Бу мағлубиятдан хулоса чиқариб, кейинги баҳс учун ижобий жиҳатларни сақлаб қолишимиз керак», — деди Фернандеш Canal 11 нашрига берган интервюсида.

Тегишли жамоалар ва лигалар

  • Португалия Португалия
  • Дания Дания
  • УЭФА Миллатлар лигаси. А лига УЭФА Миллатлар лигаси. А лига
Янги мунозара

Мухлислар бу янгиликни Telegram’да муҳокама қилмоқда

14 изоҳ
Муҳокамага ўтиш

Изоҳлар Telegram’да очилади

Бугунги янгиликлар