«Manchester United» va Portugaliya milliy jamoasi yarimhimoyachisi Bruno Fernandesh Millatlar Ligasi doirasida Daniyadan uchralgan 1:4 hisobidagi mag‘lubiyatga izoh berdi.
«Unutish kerak bo‘lgan o‘yinlar bo‘lmaydi. Bu bahs bizga ko‘p narsani o‘rgatishi va xatolarimizni ko‘rsatishi lozim.
Biz istaganimizdek o‘yinga kira olmadik. Odatda markaz orqali juda yaxshi hujum qilamiz, ammo Daniya shu hududni butkul yopdi. Shu sabab vaziyat yaratish yanada qiyinlashdi.
Ko‘proq qanotlardan foydalandik, raqibni yakkama-yakka aldab o‘tishga va to‘pni jarima maydoniga uzatishga urindik. Daniyaliklar bu borada kuchli ekanini bilardik. Ular deyarli barcha imkoniyatlaridan gol urishdi.
Avvalgi o‘yinlarimiz ham mukammal emas edi. Bu mag‘lubiyatdan xulosa chiqarib, keyingi bahs uchun ijobiy jihatlarni saqlab qolishimiz kerak», — dedi Fernandesh Canal 11 nashriga bergan intervyusida.
Muxlislar bu yangilikni Telegram’da muhokama qilmoqda
Izohlar Telegram’da ochiladi