Bugun
47
O'zbek

Portugaliya Ronalduning ishtirokisiz 12 yildagi eng yirik mag‘lubiyatini qabul qildi

Futbol
15 noyabr, 04:00
    27
Millatlar ligasida Daniyaga qarshi kechgan bahsda portugaliyaliklar 1:4 hisobida yutqazdi.
Portugaliya Ronalduning ishtirokisiz 12 yildagi eng yirik mag‘lubiyatini qabul qildi
Foto: Getty Images
14.11.2026 FT UEFA Millatlar ligasi. A liga Portugaliya Portugaliya 1 : 4 Daniya Daniya

Portugaliya milliy jamoasi Millatlar ligasi guruh bosqichining beshinchi turida Daniyaga 1:4 hisobida mag‘lub bo‘ldi. Ushbu natija portugaliyaliklar uchun 2014-yildan buyon eng yirik mag‘lubiyat bo‘ldi. Qayd etish joiz, jamoa ushbu bahsda Krishtianu Ronaldusiz maydonga tushdi.

Portugaliya oxirgi marta bundan yirikroq hisobda 2014-yil iyun oyida Germaniyaga qarshi JCH-2014 guruh bosqichining ilk turida mag‘lub bo‘lgan. O‘shanda nemislar 4:0 hisobida g‘alaba qozongan. Tomas Myuller xet-trik qayd etgan, portugaliyalik himoyachi Pepe esa 37-daqiqada maydondan chetlatilgan.

Daniyaga qarshi bahsda Pyer-Emil Xyoybyerg 43-daqiqada hisobni ochdi. Rasmus Xoylund 50 va 57-daqiqalarda yana ikkita gol urdi. Yoaxim Andersen 75-daqiqada hisobni yiriklashtirdi. Bernardu Silva esa 90+3-daqiqada Portugaliyaning yagona goliga mualliflik qildi.

Ma’lumot uchun, bu Portugaliya Krishtianu Ronalduning milliy jamoadan ketishi e’lon qilinganidan keyingi ilk bahsi bo‘ldi. Hujumchi bundan oldingi uchta bellashuvda ham maydonga tushmagan: Norvegiyaga qarshi ikkinchi turda zaxirada qolgan, Daniya va Norvegiyaga qarshi keyingi bahslar oldidan esa jamoa yig‘inini tark etgan.

Eslatib o‘tamiz, Portugaliya guruh bosqichining so‘nggi turida 17-noyabr kuni Uelsga qarshi maydonga tushadi.

Tegishli jamoalar va ligalar

  • Portugaliya Portugaliya
  • Daniya Daniya
  • UEFA Millatlar ligasi. A liga UEFA Millatlar ligasi. A liga
Yangi munozara

Muxlislar bu yangilikni Telegram’da muhokama qilmoqda

27 izoh
Muhokamaga o‘tish

Izohlar Telegram’da ochiladi

Bugungi yangiliklar