Ўзбекистон Суперлигасининг 26-турида ОКМК Тошкентда «Локомотив»ни 2:1 ҳисобида мағлуб этди. Баҳсдаги ҳисоб 1-дақиқадаёқ очилди: Азиз Холмуродов меҳмонларни олдинга олиб чиқди. 11-дақиқада Темурхўжа Абдухолиқов пеналтидан гол уриб, мувозанатни тиклади.
Ғалаба тўпини 90+1-дақиқада захирадан майдонга тушган Сияваш Ҳақназари киритди. Унга Али Абдураҳмонов ассистентлик қилди.
Ушбу натижадан сўнг ОКМК 45 очко билан турнир жадвалида 4-ўринга кўтарилди. «Локомотив» эса 40 очко билан 7-поғонада қолди.
Суперлига. 26-тур
Локомотив — ОКМК 1:2
Голлар: Абдухолиқов 11 (пен.) — Холмуродов 1, Ҳақназари 90+1 (Абдураҳмонов).
Огоҳлантиришлар: Турдиалиев 60, Каримов 88, Мирзаев 90+1.
Локомотив: Козлов, Туплиев (Абраев, 71), Абдухолиқов, Шушняр, Мирзаев, Кучеренко, Поёнов, Туропов (Реимов, 80), Зотеев, Нишич, Яхшибоев (Шодибоев, 71).
ОКМК: Абдунабиев, Қосимов (Ҳақназари, 65), Папава, Ўлмасалиев, Турдиалиев (Аҳмадалиев, 65), Холмуродов (Абдураззоқов, 65), Собиржонов (Турсунқулов, 85), Муқумжонов, Сентоку, Каримов, Пешич.
Мухлислар бу янгиликни Telegram’да муҳокама қилмоқда
Изоҳлар Telegram’да очилади