«Ливерпул» тажрибали ҳимоячи Виржил ван Дейкнинг ўрнига номзодларни кўриб чиқмоқда. he Daily Briefing журналистлари хабарига кўра, мерсисайдликлар Дортмунднинг «Боруссия» клуби вакили Нико Шлоттербек ҳамда «Ноттингҳэм Форест» ҳимоячиси Муриллога қизиқиш билдирмоқда.
Манбага кўра, клуб раҳбарияти ушбу икки футболчини ван Дейкнинг эҳтимолий ўринбосарлари сифатида кўрмоқда. Нидерландиялик футболчи 2018 йилдан буён «Ливерпул» шарафини ҳимоя қилиб келмоқда.
Маълумот учун, 35 ёшли ван Дейкнинг «Ливерпул» билан амалдаги шартномаси 2027 йил июн ойи охирида якунланади. Тransfermarkt портали ҳимоячининг бозор қийматини 15 миллион еврога баҳоламоқда.
Эслатиб ўтамиз, ван Дейк ушбу мавсум Англия Премер-лигаси доирасида саккизта баҳсда майдонга тушган ва иккита сариқ карточка олган.
