Элит Чемпионлар лигасининг 4-тури доирасида «Тракторсози» ва «Нефтчи» жамоалари ўртасидаги баҳс олдидан ташкилий йиғилиш бўлиб ўтди. Тадбир Маскат шаҳридаги «Радиссон Ҳормуз» меҳмонхонасининг анжуманлар залида ташкил этилди.
Йиғилиш давомида эртанги беллашувга оид ташкилий масалалар муҳокама қилинди. Унда жамоаларнинг ўйин либослари ҳам тасдиқланди.
Унга кўра, «Нефтчи» оқ-қора, Эроннинг «Тракторсози» клуби эса қизил-қора рангли либосларда ҳаракат қилади.
Эслатиб ўтамиз, «Тракторсози» — «Нефтчи» беллашуви 2 ноябр куни Тошкент вақти билан 21:00 да бошланади.
