Элит Осиё Чемпионлар Лигаси мусобақасининг 4-туридан ўрин олган «Трактор» — «Нефтчи» учрашуви расмийлари маълум бўлди. Осиё футбол конфедерацияси ушбу баҳсга жанубий кореялик ҳакамлар гуруҳини тайинлади.
Учрашув 2 ноябр куни Ўмон пойтахти Маскатдаги «Султон Қобус» спорт мажмуасида ўтказилади. Бош ҳакам вазифасини Чой Хён Жай бажаради. Ёрдамчи ҳакамлар Жанг Жун Пил ва Чон Жин Хи бўлади. Захира ҳаками этиб жанубий кореялик Чхе Сан Хёп белгиланди.
Видеоёрдамчи ҳакам (VAR) сифатида Ким Усунг иш олиб боради, унга Чой Чхол Жун ёрдамлашади. Шу тариқа, майдондаги ҳакамлар ҳамда видеоёрдамчи ҳакамлар бригадасининг барча аъзолари Жанубий Кореядан бўлади.
Қайд этиш лозим, айни вақтда фарғоналиклар мусобақада 3 очко жамғарган ҳолда 9-ўринни банд этиб турибди. Жамоа 3-турда Саудия Арабистонининг «Ал Иттиҳод» клубига мағлуб бўлганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади