«Тоттенҳем» ҳимоячиси Педро Порро «Реал» жамоасининг уругвайлик яримҳимоячиси Федерико Валверде ҳақида фикрлари билан ўртоқлашди.
«Феде Валверде исталган позицияда ўйнаши мумкин. Бу ҳақиқий йиртқич, шунчаки машина. Аммо ўз позициясида у кўпроқ нарсани кўрсатиши мумкин. Ҳозир бундай яримҳимоячилар жуда кам. У ҳам жисмонан, ҳам техник томондан кучли, ҳужумларга фаол тарзда қўшила олади ва ўзи ҳам гол ура олади», — дея Порронинг сўзларидан иқтибос келтиради Madrid Zone.
Янги мавсумда 28 ёшли Валверде барча мусобақаларни ҳисобга олганда 13 та ўйин ўтказиб, битта гол урди ва иккита голли узатмани амалга ошириб берди.
Маълумот учун, 1 ноябр куни «Реал» сафарда «Расинг» клубига қарши майдонга тушади. Испания Ла Лигасининг 11-тур учрашуви Тошкент вақти билан соат 20:15да бошланади.
