Дунёнинг бешинчи ракеткаси, россиялик теннисчи Даниил Медведев ATP финал турнирига йўлланма олди. Бугун, 30 октабр куни у Вена шаҳрида франциялик Адриан Маннаринони (рейтингда 73-ўрин) 6:2, 6:3 ҳисобида мағлуб этиб, «ATP 500» мусобақаси яримфиналига чиқди.
Бу ғалаба Даниилга Финал турнирининг тўртинчи иштирокчиси бўлиш имконини берди. У Александр Зверев, Карлос Алкарас ва Бен Шелтондан кейин йўлланмани қўлга киритган теннисчига айланди.
Эслатиб ўтамиз, Медведев сўнгги саккиз мавсумнинг еттитасида Финал турнирига йўлланма олди.
Ушбу мавсумда россиялик теннисчи Брисбен, Дубай, Ханчжоу ва Олмаотада совринларни қўлга киритди. Айни пайтда у ATP чемпионлиги пойгасида 3860 очкога эга.
