«Милан» клуби америкалик футболчи Кристиан Пулишич билан шартномани узайтирди. Бу ҳақда клуб расмий сайти хабар берди.
28 ёшли Пулишич янги келишувга кўра, «россонери» сафида 2031 йил 30 июнга қадар тўп тепади. Қайд этиш лозим, у Италия клубига 2023 йилнинг июл ойида қўшилган.
Шундан буён Кристиан «Милан» сафида 142 та учрашувда майдонга тушиб, 44 та гол урди ва 28 та ассист амалга оширди.
Ушбу мавсумда вингер барча мусобақаларда саккизта ўйин ўтказди. Бу учрашувларда Пулишич икки бор рақиблар дарвозасини ишғол қилди ва яна бир голли узатма муаллифи бўлди.
У янги мавсумни ҳам гол ва ассистлар билан бошлади. Шартноманинг узайтирилиши америкалик футболчининг Милан клубидаги фаолиятини яна бир неча йил давом эттиришини англатади.
Аввалроқ «Милан» ва «Интер»нинг янги стадиони номи эълон қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади