«Атлетико» бош мураббийи Диего Симеоне Чемпионлар лигаси яримфиналида «Арсенал»га мағлуб бўлиб, турнирни тарк этганидан сўнг фикр билдирди.
«Агар биз чиқиб кетган бўлсак, демак, рақиб бунга кўпроқ лойиқ бўлган. Улар ўз имкониятларидан фойдаланди, хусусан биринчи бўлимдаги гол эпизодидан ва ҳақли ғалаба қозонди. Агар мендан ўзимни қандай ҳис қилаётганимни сўрасангиз, хотиржамман деб жавоб бераман. Жамоа бор кучини берди. Биз охиригача курашдик ва энди натижани қабул қилишимиз керак. Мухлисларга ва футболчиларга миннатдорман. Қаерда эканимдан фахрланаман», — деди Симеоне Маrса нашрига.
Маълумот учун, икки баҳс натижасига кўра «Арсенал» финалга йўл олди (1:1, 1:0). Ҳал қилувчи ўйинда лондонликлар «ПСЖ» — «Бавария» жуфтлиги ғолибига қарши майдонга тушади.
