Мадриднинг «Атлетико» клуби ва Лондоннинг «Арсенал» жамоаси ҳужумчилар Хулиан Алварес ҳамда Виктор Гокереш трансфери бўйича келишувга эришди. Бу ҳақда El Chiringuito TV хабар берди.
Манба маълумотига кўра, «тўпчилар» аргентиналик ҳужумчи Хулиан Алварес трансфери учун 50 миллион евро тўлайди. Бундан ташқари, швециялик форвард Виктор Гокереш ҳам битимнинг бир қисмига айланиб, Мадрид клубига йўл олади.
Қайд этилишича, «Атлетико» бош директори Хил Марин «Барселона» президенти Жоан Лапорта билан боғланиб, Алварес каталонияликлар сафига ўтмаслигини шахсан маълум қилган.
26 ёшли Алварес ўтган мавсум барча турнирларда 49 та учрашувда майдонга тушиб, 20 та гол ва 9 та голли узатмага муаллифлик қилди.
Аргентиналик ҳужумчининг «Атлетико» билан амалдаги шартномаси 2030 йилгача мўлжалланган. Тransfermarkt портали футболчининг бозор қийматини 100 миллион еврога баҳоламоқда.
Агар ушбу трансфер амалга ошса, ёзги трансфер ойнасининг энг йирик битимларидан бирига айланиши мумкин.
