Мадрид шаҳар мэри ва «Атлетико» мухлиси Хосе Луис Мартинес-Алмейда «матрасчилар»нинг Чемпионлар Лигасида чиқиб кетгани ҳақида фикр билдирди.
Диего Симеоне жамоаси «Арсенал»га қарши яримфиналнинг жавоб баҳсида мағлуб бўлди (0:1, биринчи ўйин – 1:1).
«Қуръа натижаларини билганимда, «Арсенал»га тушдик деб ўйлагандим, лекин адашибман — биз UEFA'га тўқнаш келдик. UEFA эса «Атлетико»ни Чемпионлар Лигаси финалида кўришни истамаслигини очиқчасига билдирди.
Испания ва Германия клублари ЕЧЛда 5 та йўлланмага эга бўлиш учун курашаётган бир пайтда, немис ҳакамини тайинлашлари — тушунарсиз ҳолат», — дея Мартинес-Алмейданинг сўзларини келтиради Cadena SER.
Маълумот учун, беллашув бош ҳаками Даниэр Зиберт эди.
