«Арсенал» УЕФА Чемпионлар Лигасида мағлубиятсиз ўйинлар сони бўйича клуб рекордини ўрнатди.
Mикел Артета жамоаси яримфиналда «Атлетико»ни (1:0, биринчи баҳс — 1:1) мағлуб этиб, турнир финалига йўл олди.
Ушбу Чемпионлар Лигаси мавсумида «тўпчилар» 11 бор ғалаба қозонди ва 3 марта дуранг қайд этди. Жамоа ўтган мавсумдаги яримфиналдан бери мағлубиятга учрамаяпти — ўшанда «ПСЖ» лондонликларни (1:0, 2:1) енга олганди.
Шу тариқа 14 ўйинлик мағлубиятсиз серия «Арсенал» тарихида Чемпионлар Лигасидаги энг яхши натижага айланди.
