Португалия миллий жамоаси ҳужумчиси Криштиану Роналду Европа футболи тарихида янги рекорд ўрнатди.
ЖЧ-2026 гуруҳ босқичининг 2-турида Ўзбекистон миллий жамоасига қарши баҳсда дубл қайд этган Роналду йирик халқаро турнирлардаги сериясини давом эттирди. Ушбу мундиал португалиялик футболчи гол урган 11-йирик турнирга айланди.
Шу тариқа Роналду Жаҳон чемпионатлари ва Европа чемпионатлари тарихида 11 та турли турнирда гол урган илк европалик футболчи бўлди.
Бу борадаги аввалги натижа Юрген Клинсманн, Мирослав Клозе ва Жердан Шакирига тегишли эди. Уларнинг ҳар бири 6 тадан йирик турнирда гол уришга муваффақ бўлган.
Эслатиб ўтамиз, Роналду Ўзбекистонга қарши баҳсда иккита гол уриб, Португалия миллий жамоасининг 5:0 ҳисобидаги ғалабасига катта ҳисса қўшди ва учрашувнинг энг яхши футболчиси деб топилди.
Маълумот учун, 41 ёшли Криштиану Роналду фаолияти давомида Евро-2004, Евро-2008, Евро-2012, Евро-2016, Евро-2020, Евро-2024 ҳамда ЖЧ-2006, ЖЧ-2010, ЖЧ-2014, ЖЧ-2018 ва ЖЧ-2026 турнирларида Португалия миллий жамоаси сафида гол уришга эришган.
