Португалия миллий жамоа сардори Криштиану Роналдунинг опаси Элма Авейру жаҳон чемпионати гуруҳ босқичи доирасидаги Ўзбекистонга қарши ўйиндан сўнг, хейтерларга юзланди.
«У қариб қолди ва майдонда фойдаси тегмаяпти, деган тўтиқушлар қани? Криштиану майдонда тўтиқушларни жим бўлишга мажбур қилди», - деб фикр билдирди Авейру ижтимоий тармоқдаги саҳифаси орқали.
Ўзбекистонга қарши баҳсда 41 ёшли Криштиану дубл муаллифига айланди. Шунингдек, айнан Роналду ўйиннинг энг яхши футболчиси деб топилди.
Эслатиб ўтамиз, 2-турдан кейин Португалия миллий жамоаси 4 очко билан гуруҳда етакчилик қилмоқда.
Охирги турда Португалия 28 июн куни Колумбия билан рўбарў келса, Ўзбекистон учинчи ўрин учун Конго ДР билан беллашади.
