«Барселона» яримҳимоячиси Педри Чемпионлар Лигаси доирасида «ПСЖ»га қарши бўлиб ўтадиган учрашув олдидан Усмон Дембеленинг ўйини ҳақида фикр билдирди.
«Усмон мени доим ҳайратда қолдирган. У машғулотларда оддий футболчи қила олмайдиган ишларни бажарарди. Мен унга ҳар доим ўзига хос эканини ва ажойиб иқтидорга эга бўлганини айтардим.
«ПСЖ»га ўтганидан кейин у ўз салоҳиятини тўлиқ намоён қилди ва биз ҳақиқий Дембелени кўрдик. «Барселона»да ҳам у ўз маҳоратини кўрсатарди, аммо бу фақат айрим ўйин эпизодларида кузатиларди. Унга барқарорлик етишмасди. Ўйинидаги изчилликни топгач, «Олтин тўп»ни қўлга кирита олди.
Мен учун у нафақат жаҳон даражасидаги футболчи, балки ажойиб дўст ҳамдир. У билан бирга ўйнаш мен учун завқли эди», — дея Педрининг сўзларини келтиради Barca Universal нашри.
Қайд этиш лозим, Усмон 2017–2023 йилларда «Барселона» шарафини ҳимоя қилган. Шундан сўнг у «ПСЖ» сафига кўчиб ўтган.
Эслатиб ўтамиз, парижликлар ва каталонияликлар ўртасидаги баҳс 20 октябрдан 21 октябрга ўтар кечаси Тошкент вақти билан соат 00:00 да старт олади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади