«Тоттенҳэм» яримҳимоячиси Жеймс Мэддисон жамоага содиқ эканини маълум қилди.
АПЛнинг 7-турида «Тоттенҳэм» ўз майдонида «Ковентри»ни 3:1 ҳисобида мағлуб этиб, ушбу мавсумдаги илк ғалабасини қўлга киритди. Учрашувдаги голлардан бирини Мэддисон урди. У голни нишонлаш вақтида клуб эмблемасини ўпди.
«Мен ўтган йилнинг ўзидаёқ «Тоттенҳэм»га содиқ эканимни айтганман. Майдондан ташқарида бўлган вақтим давомида клуб мени қанчалик яхши кўриши ва қийин пайтларда қўллаб-қувватлашини ҳис қилдим.
Мен бу клубга ҳали кўп нарса беришим керак», — деди Мэддисон Sky Sports нашрига. Маълумот ўрнида, ушбу мавсумда яримҳимоячи барча мусобақаларда 6 та учрашувда иштирок этиб, битта гол урди.
Лондонликлар айни пайтда мусобақа жадвалида 6 очко жамғарган ҳолда 16-ўринни эгаллаб турибди. Жамоа навбатдаги учрашувни сафарда «Челси»га қарши ўтказади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади