«Тоттенҳэм» ҳужумкор яримҳимоячиси Деян Кулусевски деярли бир ярим йиллик танаффусдан сўнг илк бор майдонга тушди.
«Тақачилар» бош мураббийи Роберто де Зерби 26 ёшли футболчини АПЛ 7-тури доирасидаги «Ковентри»га қарши кечган учрашув (3:1)нинг 87-дақиқасида майдонга туширди. Бу Кулусевски учун 526 кун ичидаги илк ўйин бўлди. У сўнгги бор 2025 йил 11 май куни майдонга тушган эди. Швециялик футболчи жарроҳлик амалиётини талаб қилган оғир тизза жароҳатидан тикланди.
Қайд этиш лозим, Кулусевски майдонга тушган вақтда ҳисоб «Тоттенҳэм» фойдасига 2:1 эди. Қўшиб берилган олтинчи дақиқада Бен Дэвис лондонликларнинг учинчи голини уриб, беллашув тақдирига нуқта қўйди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади