Франциялик Килиан Мбаппе жаҳон чемпионати ҳал қилувчи ўйинида иштирок этмайди - Франция миллий жамоаси испанларга 0:2 ҳисобида имкониятни бой бериб қўйди ва финал йўлланмасидан мосуво бўлди.
Шундай қилиб, Мадриднинг «Реал» клуби ҳужумчиси қаторасига учинчи мундиал финалида ўйнаш имкониятини қўлдан чиқарди. Тарихда фақатгина бир футболчи - 2008 йилда фаолиятини якунлаган бразилиялик Кафу шу каби натижага эриша олган. У 1994, 1998 ва 2002 йилдаги жаҳон чемпионатлари финал баҳсида майдонга тушган - улардан иккитасида Бразилия миллий жамоаси чемпион бўлган.
Эслатиб ўтамиз, АҚШ, Канада ва Мексика мезбонлигида ўтаётган мундиал финали 19 июл куни бўлиб ўтади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади