«Манчестер Сити» ва Англия миллий жамоаси собиқ ҳимоячиси Жолеон Лескотт янги мавсумда «Арсенал»ни Англия чемпионлиги учун асосий даъвогар деб ҳисоблайди.
«Ҳозирча прогноз қилишга жуда эрта, аммо мен фаворит сифатида «Арсенал»ни кўрсатган бўлардим. Асосий омилларни ҳисобга олсак, уларнинг чемпионликка эришиш йўлида тўсиқлари камроқ бўлиши мумкин», — деди Лескотт Mirror нашрига берган интервюсида.
«Артета жамоа билан ишлашда давомийликни таъминлади, футболчилар эса энди ўзларига чинакамига ишонишмоқда», — дея қўшимча қилди собиқ футболчи.
«Манчестер Сити» ёзда жиддий ўзгаришларни бошдан кечирди. Пеп Гвардиола кетганидан сўнг жамоани Энцо Мареска бошқара бошлади. Лескотт «шаҳарликлар» мураббий танлашда тўғри қарор қабул қилганини таъкидлади.
«Пеп кетганидан кейинги ўтиш даври муқаррар эди, аммо Энцо билан хатога олиб келиши мумкин бўлган жиҳатлар, эҳтимол, камроқ. У клубни билади, бу ерда ишлар қандай йўлга қўйилганини тушунади ва кўплаб футболчилар билан таниш. Ҳозир футболчилар билан бундай алоқа жуда муҳим, шу сабабли унинг тайинланиши мантиқан тўғри эди», — деди Лескотт.
Эслатиб ўтамиз, бугун, 16 август куни «Арсенал» ва «Манчестер Сити» Англия Суперкубоги учун баҳсда майдонга тушади.
