«Интер Майами» ҳужумчиси Лионел Месси MLS доирасида «Нэшвилл»га қарши ўйин (1:4)да пеналтидан фойдалана олмади.
Шу тариқа, 39 ёшли футболчи 2014 йилдан бери илк бор кетма-кет учта пеналтини голга айлантира олмади.
Месси бунга қадар 2026 йилги жаҳон чемпионатида Австрия (2:0) ва Миср (3:2)га қарши ўйинларда Аргентина миллий жамоаси сафида пеналтидан фойдалана олмаганди.
«Нэшвилл»га қарши учрашувнинг 23-дақиқасида эса Лионел пеналтидан тўпни дарвозанинг пастки чап бурчагига йўллади, аммо рақиб дарвозабони Брайан Шваке зарбани қайтарди.
Маълумот ўрнида, Месси 2023 йил ёзидан буён «Интер Майами»да ўйнаб келмоқда. Футболчининг клуб билан амалдаги шартномаси 2028 йил охиригача мўлжалланган.
