Баҳс АҚШнинг Нешвилл шаҳридаги «ГЕОДИС Парк» стадионида бўлиб ўтиб, мезбонларнинг 4:1 ҳисобидаги ғалабаси билан якунланди.
«Нешвилл» таркибида Энди Нахар, Хани Мухтор (дубл) ва Сем Сэррижлар гол уришга муваффақ бўлди.
«Интер Майами»нинг ягона голини Лионел Мессининг узатмасидан сўнг Теласко Сеговия урди.
Ўйиннинг 23-дақиқасида аргентиналик ҳужумчи пеналтини голга айлантира олмади.
Маълумот учун, 19 та ўйиндан сўнг «Нешвилл» МЛС мусобақа жадвалида пешқадамлик қилмоқда, биринчи ўринга кўтарилиб олиш имкониятини қўлдан чиқарган «Интер Майами» эса энди етакчидан 5 очко ортда қолмоқда.
Эслатиб ўтамиз, МЛСнинг навбатдаги турида «Нешвилл» меҳмонда «Ню-Йорк Ред Буллз» клуби билан, «Интер Майами» эса сафарда «Филаделфия Юнион» билан баҳс юритади. Ҳар икки беллашув 20 август куни бўлиб ўтади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади