Bahs AQSHning Neshvill shahridagi «GEODIS Park» stadionida bo‘lib o‘tib, mezbonlarning 4:1 hisobidagi g‘alabasi bilan yakunlandi.
«Neshvill» tarkibida Endi Naxar, Xani Muxtor (dubl) va Sem Serrijlar gol urishga muvaffaq bo‘ldi.
«Inter Mayami»ning yagona golini Lionel Messining uzatmasidan so‘ng Telasko Segoviya urdi.
O‘yinning 23-daqiqasida argentinalik hujumchi penaltini golga aylantira olmadi.
Ma’lumot uchun, 19 ta o‘yindan so‘ng «Neshvill» MLS musobaqa jadvalida peshqadamlik qilmoqda, birinchi o‘ringa ko‘tarilib olish imkoniyatini qo‘ldan chiqargan «Inter Mayami» esa endi yetakchidan 5 ochko ortda qolmoqda.
Eslatib o‘tamiz, MLSning navbatdagi turida «Neshvill» mehmonda «Nyu-York Red Bullz» klubi bilan, «Inter Mayami» esa safarda «Filadelfiya Yunion» bilan bahs yuritadi. Har ikki bellashuv 20-avgust kuni bo‘lib o‘tadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi