«Арсенал» бош мураббийи Микел Артета Хосеп Гвардиоланинг «Манчестер Сити»ни тарк этиш қарори ҳақида фикр билдирди.
55 ёшли мутахассис 2016 йилдан буён «Манчестер Сити» бош мураббийи бўлиб ишлаган. Ўтган мавсум унинг Манчестер клубидаги сўнгги мавсуми бўлди. Артета Гвардиоланинг кетиш қарорини олдиндан аниқ билмаганини, бироқ буни сезганини таъкидлади.
«Мен буни аниқ билмасдим, аммо шундай бўлиши мумкинлигини сезгандим ва қандайдир тушунчага эга эдим. Бундай фикрлар пайдо бўлаётганди. Бироқ у каби инсон бир куни уйғониб, атрофида кўраётган нарсаларидан илҳом олиши мумкин. У буни ўн йил давомида амалга оширди, ҳозирги давр учун бу шунчаки ақл бовар қилмас ҳолат», — дея Артетанинг сўзларини DailyAFС келтирди.
Эслатиб ўтамиз, Гвардиоланинг ўрнини «Манчестер Сити»да Энцо Мареска эгаллади.
Маълумот учун, «Манчестер Сити» ва «Арсенал» 16 август куни Англия Суперкубоги учун баҳсда майдонга тушади.
